Unbelievable

Working Holiday會體驗到好多野，面對好多想像唔到嘅事
突如其來嘅意外，亦都係一個好嘅經歷

如果架車泊前少少或者棵樹打斜少少跌落黎，相信我已經魂歸天國

成件事係兩三秒內發生，根本黎唔切反應
當時外面幾凍，啱啱上車冇耐，坐係度抖緊
突然好大風，成棵樹跌左落黎，仲要正正係自己面前一呎都冇嘅車頭
比著心血少嘅人，應該嚇死
而冧樹之後我仲好有閒情行返去影相，haha

當時就坐係度抖緊

最後能逃過一劫，真係好好彩
大難不死必有後福，希望係真的

身在他國的生日前夕

廿四歲最後一日，身在南半球-澳洲嘅我，竟然百無聊賴呆在圖書館裡。

黎到BRISBANE一個月多D，悶足咁耐，一直等等等，等到生日都黎到

回想半年前，隻身黎到澳洲，體驗他國生活，算係一個重要的人生成長階段

黎到澳洲，無論衣食住行都要一個人安排

衣 – 要自己洗衫晒衫

食 – 初時黎到未有工，就煮D好簡單嘅野食，到有工作就食公司野，其餘日子多數都係搭伙

住 – 係PERTH一直未搬過屋，不知不覺就住左五個月

行 – 黎到澳洲，第三個星期已經買車，每次出外都係揸車，可幸冇任何問題出現

開頭幾個月，真係唔知黎做乜

工作不如意，朋友可以話冇，室友全部台灣人，又唔會出去玩，放假成日留係屋企唔知做乜，真係想快D走……

後來遇到一個有心嘅SENIOR MANAGER，生活起左變化

由唔想返工到想返去幫手(開SEM，鋪頭缺乏人手)，之後與同事關係改善左，又識多左朋友，間中出去玩

而且係一次ROAD TRIP中認識到另一個她

無論日常生活習慣、性格，都與我所熟識嘅”她”好相似，而另一個她有”她”所缺乏嘅野，值得加深認識

但由於在快要離開PERTH時才認識另一個她，相處時間太短，冇辦法出手

即使現在間中有聯絡，但無法見面，加深認識，有點可惜

廿五歲就快到，希望黎緊會搵到另一個她&搵到多D錢

另一個她

分手已經年幾，唔覺唔覺她已經逐漸係我心裡消失
而現在的我身處他方，亦都過著新生活

直至近來遇到她，一個跟她好似的另一個她(無論生日、性格、日常生活)
簡直係另一個她，能夠遇到一個跟她十分相似的她，我都覺得好驚奇
電視就成日見，冇諗過我會遇到咁嘅情況

既然可以遇到她，就完成一直好想同她一齊做嘅事
今日第一次同她出街，就去左睇日落

晚餐去食意大利餐

再食埋甜品

看似好平常嘅活動，係我同她一齊嘅時候，從來都冇做過......
雖然她不是我所熟識的她，但能夠一齊睇日落、食意大利餐，都算係完成左心事

他方的夕陽

一直以黎都想去睇下日落
與她一齊的時候，已經想去睇下日落，奈何冇呢個機會......

放假無聊得濟，就去左睇日落

呢度景色唔錯，但只差一個她......

公路上的綠州 - 袋鼠島

城市間的公路上有一個島，平時經過唔會點留意
如果唔係有人講，都唔會知道果度就係袋鼠島
袋鼠係夜間活動，所以五點後去會好D

由CITY 揸車去都係幾分鐘車程(六點後免費泊車)

呢度就係袋鼠島

防止D袋鼠跳出黎

呢度D袋鼠冇想像中咁大隻，一個得一米高到

D人袋鼠唔怕人，可以隨便擵

2013年

2012年真係過得好快，話咁快已經2013年

2013年第一個節目就係河邊睇煙花
好耐冇試過咁近煙花，對上次睇到D煙花係頭上爆嘅日子都唔知幾多年前

新一年第一件事做嘅竟然係去整車，唉...咁快就要破財，咁就五十蚊啦
架車總算回復八成，都算好彩架啦(車呀車要頂住呀，未來幾個月仲要靠你架)
新一年希望搵多D同搵到另一個她啦