等緊接濟

向來都話屋企好窮架啦

睇下苦況
屋企擺左幾多貨係度，窮到屋企變工場，都係為餐飯咋，幾辛苦呀


呢d係酬勞
做咁多野，先得幾pack飲品咋，幾可憐呀


幾時捐d錢黎下
好需要你嘅接濟架

開口中

九點幾諗住去食一壽司，見勁多人等緊位，咁唯有繼續行睇下有咩食
行完成個朗豪都唔知食乜好，就走番出面搵，最後去左夏雪食壽司

落完單後就繼續吹水，之後見d野飲黎左一陣，而d野食都未黎，就講笑話，如果一陣問個waitress我地叫左d乜?點解仲未黎嘅?佢可能答:你地冇叫過野食...(以為壽司拼盤耐少少係正常)，咁就搞笑啦
如是者過左半個鐘都未黎，就問個waitress，點知佢話:你地未叫野食...我都覺得奇怪，你地淨係叫左野飲...
聽到佢咁講，即刻笑左出黎(實在好鍾意佢個答覆，佢真係咁答我地，俾我講中左，連隔離枱個人都笑)，之後就一路笑住再落多次order
食完就搭尾班車返屋企

連踩兩場k房

朝早apm唱完一次，晏晝係九龍灣再唱過

話說琴日一早有人約唱k，咁得閒緊係話去啦
點知到琴晚又有另一邊約唱k(呢邊其實都約左成兩個月，冇理由推左佢，加上好耐冇見啦)，時間又就到，咁都冇乜所謂
咁就變左同一日有兩邊人約唱k，真係第一次

今期green box有學生優惠，真係勁低，除左happy hour可以唱到九點，仲要四位送一個小食，再加埋k buffet買一送一
不過預左k buffet唔好食，見每位加多十零蚊，加上會唱到九點，咁冇理由唔要k buffet架

唔講唔覺原來有成幾個月冇見佢地
今次都仲未齊人，黎緊下次要齊人呀

真人show

又係勁hea嘅一日，成六個鐘唔洗做，係度打機、吹水、訓覺，咁又一日

真人show，話說見到天台有個阿叔無啦啦攞塊板出黎橫誇兩座樓，之後行開左，開頭唔知佢做乜，之後見佢返黎時攞埋支竹，再搭過去，原來佢搭橋行過隔離座樓，真係估佢唔到
唔係親眼見過，真係唔知今時今日仲有人咁做