說好的兩年

兩年前的開始，到現在的陌生人，真係好嬲
最搞笑係導火線竟然源於海洋公園飛，真係痴線

年幾以黎，都係單方面付出，無論去邊、食飯、行程、節日慶祝(甚至自己生日都要自己安排)......
成日呢樣唔得果樣唔得，郁啲就發脾氣
忍讓左咁耐究竟為左乜?
從來都唔會諗下我

拍拖可以冇溝通，成日只係識話溝通唔到，從來都冇改善下，乜都唔啱聽唔啱傾，最後都只係得你自己一個人講
從來都唔會提議下去邊，但又呢度唔去果度唔去
節目又係唔會提議下，呢樣冇興趣果樣又冇興趣，真係乜都唔洗玩啦
點解從來都係要我約你安排呢樣果樣，而從來你唔會咁做，即使係生日都係咁
兩個人相處係互相遷就，但從來都只係單方面遷就
從來都唔會認識、留意下我，只係識話冇講俾你聽，事實係講左你都唔理
唔准有相反意見、相反處事方法
搭車顧住自己打機，唔會話一齊玩分享下
最後都可以大條道理話，要得到對方不斷付出先啱
呢啲真係拍拖?
究竟我地之間真係有冇存在愛，定係以口中有愛黎掩飾自私?