911

911
呢日除左世貿冧左外，仲係"她"生日
其實都過左咁耐應該忘記左，但撞正咁大件事實在好難會唔記得

維持一段關係並非易事
好多時候以為對對方好，遷就呢樣就果樣去迎合對方，關係就可以長久
但奈何人總是自私

即使付出再多，都仍然覺得唔夠
凡事覺得必然，對方不斷付出係應份
而自己那一點兒的付出，就是賞賜對方

相處左咁耐，對方鍾意D乜、食D乜、做D乜都可以唔知
好難相信兩個人一齊可以咁離譜，究竟係唔想去了解對方，定係根本就無需要去了解
凡事只係識得埋怨對方呢樣果樣，但自己又唔去了解對方
而到最後都仍然覺得對方「愛不"夠"」，對方未付出晒，自己唔會去付出

"她"的相處之道：
任何活動都提不起興趣，"他"的提議總是多餘
唔識、唔想去、無心情......理由總是那麼多

溝通是一段關係重要的一環，但"他"從來只能當聆聽者
有溝不通在"他"倆經常出現

旅行本應係一件開心嘅事，係過程中應該可以增進彼此的關係
但"他"倆正好相反，由出發前的滿心歡喜，到回來的失落，真係"GOODEST" EXPERIENCE
出發前雙方唔需要相量景點，即使詢問，都只係得到「你鍾意啦、無所謂...」的回覆
但到達預定的景點，就會埋怨呢樣果樣，「唔係諗好晒點行嘅咩?而家先黎睇.....」

生日係唔會為"他"悉心安排慶祝，只懂問「想食乜?要啲乜?」，而不是嘗試帶給"他"驚喜
即使最後肯為"他"安排慶祝，也黑著面對著"他"慶祝生日
難道為"他"安排係一件很難為的事
反而遇著朋友生日，"她"就會好有心考慮禮物的預備，甚至會詢問"他"意見，真奇怪

親手為對方整小食是一件窩心的事
在一段關係中"他"未曾嘗到此福分，相反朋友就例外